Wian het sy Elektriese studies by Northlink Kollege en sy vakmanskap by TFDesign, in Stellenbosch, voltooi en is `n gekwalifiseerde 3 Fase Elektrisiën.

Sy belangstelling in die elektriese veld het ontstaan toe hy as skolier vakansie werk by sy oom, Riaan Burger, se elektriese besigheid gedoen het. In Junie 2013, na die voltooiing van sy vakmanskap eksamen, het hy met net sy persoonlike bakkie en gereedskap, en die ondersteuning van sy oom en sy gesin, sy eie besigheid begin.

Die naam Bakgat Elektries het heel per toeval gekom, en was nie die eerste keuse gewees nie. `n Vriend het die voorstel gemaak, as `n grap, om die 3de naam op die maatskappy registrasie dokumente vol te maak. Die registrateur van maatskappye het toe die naam toegewys.

Wian het hierna deur die harde werk en toewyding sy besigheid begin groei en het in sy tweede jaar, soos hy meer groter projekte begin aanpak het, begin om sy spanne uit te brei. Tans het Bakgat elektries 5 spanne op die pad wat installasies op persele doen.

Vir hom het elke dag unieke uitdagings wat hom gedrewe hou om net die beste diens aan sy kliënte te lewer.